Поради доцнењето на тимовите во второто полувреме на натпреварите на Копа Америка, селекторот на Аргентина Лионел Скалони, на Чиле, Рикардо Гарец и на Венецуела Фернандо Батиста, добија забрана за водење на своите селекции на еден натпревар, а пред последното коло истото беше изречена казна за селекторот на Уругвај, Марсело Биелса, па тој не можеше да го води тимот против САД.
Заедно со селекторите и сите Фудбалски федерации се казнети со по 15.000 долари.
„Во соблекувалната се случува голема драма и претходно имаше разбирање од КОНМЕБОЛ. На овој турнир тие се многу строги по тоа прашање“, изјави помошниот тренер на Уругвај, Диего Рејес.
Јужноамериканската фудбалска конфедерација изрекува казни поради притисокот од организаторите на турнирот и телевизиските компании од САД кои ги емитуваат средбите на англиски и шпански јазик и инсистираат на строго почитување на саатницата.
