Евертон и официјално се пофали со ново засилување. Станува збор за сенегалскиот играч за врска Илиман Ндиаје.
24-годишниот фудбалер потпишал договор со „карамелите“ до летото 2029 година. Тој во Англија доаѓа од Франција, каде минатата сезона ги бранеше боите на Олимпик Марсеј.
Олимпик за неговото заминување ќе добие 18,5 милиони евра и уште 1,5 милиони кои се предвидени во форма на бонуси.
Во сезоната 2023/24, Ндијаје одигра 30 натпревари во Лига 1, постигна 3 гола и направи 3 асистенции.
