Поранешниот репрезентативец Скот Паркер е новиот менаџер на Барнли, тимот кој испадна од Премиер-лигата, објави италијанскиот новинар Фабрицио Романо. Тој го наследува Винсент Компани, кој замина во мај за да го преземе германскиот гигант Баерн Минхен.
Финансиските услови од договорот на Паркер не се објавени, но неговата главна цел ќе биде да го врати тимот во Премиер-лигата веќе следното лето. Поранешниот играч за врска последен пат беше на чело на Клуб Бриж (Белгија), освојувајќи само 2 од 12 натпревари пред да биде отпуштен. Ги водеше и составите на Фулам и Бурнмаут, кои ги напушти по скандалот со управата.
Паркер (43) е поранешен играч на Чарлтон Атлетик, Норич, Челзи, Њукасл Јунајтед, Вест Хем, Тотенхем и Фулам. За репрезентацијата на својата татковина има одиграно 18 натпревари.
