Нокаут за Бразил – Уругвај е полуфиналист на Копа Америка (видео)

1699

Репрезентацијата на Уругвај приреди големо изненадување бидејќи во четвртфиналето на Копа Америка го елиминира Бразил. По нешто повеќе од 90 минути игра во Лас Вегасе намеше голови, а Уругвајците стигнаа до победа по подобро изведување на пеналите (4:2).

Бразил во завршницата имаше одлична можност да го трасира патот до финалето бидејќи од 74 минута Уругвај играше со фудбалер помалку кога Нахитан Нандез доби црвен картон. Селекторот Доривал Жуниор од 81 до 87 минута уфрли пет нови фудбалери меѓутоа тие немаа доволно време да направат разлика.

Уругвајците предводени од Марсело Биелса херојски го издржаа финишот и стигнаа до пеналите.

Едер Милитао промаши пенал во првата серија, а Даглас Луис во третата. Прецизни беа Андреас Переира и Габриел Мартинели. За Уругвај промаши само Хосе Хименез, а погодија Федерико Валверде, Родриго Бентакур, Хорхијан де Араскаета и Мануел Угарте.

Уругвај во полуфиналето ќе игра против Колумбија која ја прегази Панама со 5:0. Во другото полуфинале ќе играат Аргентина и Канада.

ПретходноХоландија против Англија во полуфиналето на ЕП – Турција падна после пресврт (видео)
СледноМонтела: По ова првенство Турција ќе биде третирана со поголема почит

ПОВРЗАНИ СОДРЖИНИПОВЕЌЕ ОД АВТОРОТ