Давид де Хеа последниот натпревар го одигра на крајот од сезоната 2022/23. По таа натпреварувачка година му истече договорот со Манчестер Јунајтед, не го продолжи, ниту потпиша за друг клуб. По една година пауза би можел да се врати на фудбалските терени.
Според извештаите, Де Хеа во моментов размислува за две понуди кои ги добил од Саудиска Арабија. Името на другиот клуб не е познато, но се знае дека еден му дошол од Ал Шабаб.
Де Хеа помина 12 години во Манчестер Јунајтед, каде пристигна како 21-годишен од Атлетико Мадрид. Ја освои Премиер-лигата (2012/13), ФА Купот (2015/16) и Лига Европа (2016/17) и освои вкупно осум трофеи со гигантот од „Олд Трафорд“. Два пати беше прогласуван за најдобар голман во Премиер-лигата (2018 и 2023 година).
Според Transfermarkt, пазарната вредност на Де Хеа денес е 5 милиони евра. Еден од најдобрите голмани на генерацијата и еден од најдобрите во историјата на Премиер-лигата на врвот на кариерата вредеше 70 милиони евра. За Јунајтед одигра 545 натпревари. Прими 590 гола, а 190 пати ја сочуваше мрежата.
