Српскиот шампион Црвена Звезда го пикирала талентираниот црногорски напаѓач Виктор Ѓукановиќ кој игра во Шведска во екипата на Хамарби. За младиот играч „црвено-белите“ издвоиле три милиони евра со што тој би влегол во рангот на еден од најскапите засилување во историјата на белградскиот клуб.
Инаку Ѓукановиќ во Хамарби заминал во јануари 2023 година од Будуќност од Подгорица, а во првата сезона овој играч на 25 меча постигнал 11 голови.
Виктор може да игра и како крилен и централен напаѓач. Одличен е „еден на еден“.
Звезда до сега во своите редови донесе седум засилувања: Пума, Сеол, Јовановиќ, Стојиќ, Анан и Далси.
