Нека биде за Струга ТЛ уште едно долго европско лето!

167

Шампионот вечерва од 19 часот во Братислава ја започнува својата нова европска одисеја или авантура. Струга ТЛ и да сакаше не можеше да одбере посилен ривал во двомечот од 1.квалификациско коло во Лигата на Шамионите. Слован е повеќекратен шампион на Словачка, убедливо најдобриот тим во таа земја. Тим за кој играат неколку репрезентативци на Словачка, селекција која беше една од најпријатните изненадувања на актуелното ЕУРО 2024.

May be an image of football, soccer and text

Таму е и Тигран Барсегјан, некогашниот напаѓач на Вардар од времето на најславните денови на „црвено – црните“.

И тоа е тоа.

Сите знаеме дека Слован е екстра силен тим, но Струга ТЛ сака и може да дојде до триумф на овој двомеч и со тоа да го продолжи својот настап во квалификациите во ЛШ. Познато е дека со евентуален успех против Слован, момците на стратегот Ќатип Османи во следната рунда ќе игра против подобриот од двомечот меѓу Целје и Флора Талин.

Во случај на елимининација, тогаш нашиот шампион ќе игра во 2.квалификациско коло во Лигата на Конференции со поразениот од дуелот меѓу Динамо Минск и Пјуник.

Струга ТЛ сака и ова лето да биде долго, долго европско лето, барем како што беше и лани кога во плеј – офот во Лигата на Конференции не успеа да го мине Бреидаблик и да се пласира во груоната фаза.

May be an image of 4 people, people playing football, people playing soccer, cleats and text

Еве, ова лето нека биде така.

Сепак сега сите мисли во таборот на Струга ТЛ се кон вечерашното гостување на “Техелне Арената“ во Братислава. Се очекува добар настап на стружани, се очекува добар резултат за да во реваншот во Охрид за седум дека се остварат амбициите и желбите.

May be an image of 5 people, people playing football, people playing soccer and text

Инаку вечерва Струга ТЛ ќе го одигра својот 11-ти европски меч во својата историја. Во изминатите десет забележани се три победи, двапати било нерешено, а забележани се пет порази а гол разликата е 12:15.

Уште еднаш, нека биде ова за Струга ТЛ уште едно долго европско лето.

ПретходноМЗТ Скопје се пофали со ново име, Брандон Слај во дресот на шампионот!
СледноМеси урива рекорди, сега пред него е само Роналдо!