Денеска во Стара Пазова се одржа состанок на Извршниот комитет на Фудбалскиот сојуз на Србија на кој беше одлучено селекторот на фудбалската репрезентација Драган Стојковиќ да го продолжи мандатот на клупата на „орлите“ на претстојните натпревари во Лигата на нации, како и во квалификациите за СП 2026 година.
Србија го заврши натпреварувањето како последнопласирана екипа во групата Ц со два освоени бода во конкуренција на Англија, Данска и Словенија, а селекторот Стојковиќ овојпат поднесе извештај не само до Српската фудбалска федерација, туку сега е достапен и за пошироката јавност.
Според него овој резултат е неуспех, но не и дебакл. Како една од причините за тоа што оваа репрезентација одигра под очекувањата се индивидуалните грешки.
Она што е доста интересно што неговиот извештај е достапен за јавноста.
