Кој вели дека доведувањето на Килијан Мбапе нема да му се исплати на Реал? „Кралевите“ ќе добијат многу повеќе, а за тоа говори и фактот дека веќе на првиот ден од излегувањето на неговиот дрес Реал ќе заработи неверојатни 800.000 евра.
Поточно, не беше ниту еден ден, туку неколку часа колку што требаше да се „грабне“ дресот на француската ѕвезда.
Вакво лудило со дресови немало откако Кристијано Роналдо како еден од најдобрите играчи во светот во 2009 година го носеше дресот на мадридскиот клуб.
Она што е интересно е дека Мадрид не можеше да ги задоволи барањата на сите навивачи, па оние на кои им беше одземено вредно парче ткаенина ќе мора да бидат трпеливи и да го чекаат вториот бран.
