Џесика Хал постави нов светски рекорд на 2000 метри за време на атлетскиот митинг од Дијамантската лига во Монако. 27-годишната атлетичарка од Јамајка ја претрча должината од два километри за 5 минути и 19,70 секунди подобрувајќи го претходното најдобро време од 5:21.56 минути на Франсин Нијонсаба од Бурунди од 2021 година.
Инаку оваа победа за Хал доаѓа само четири дена откако за пет секунди го подобри својот личен рекорд на 1500 метри на митингот во Париз, но тогаш заврши втора. Победничката постави светски рекорд во таа дисциплина.
How freakin great, Jess Hull you star!!! Our Jess is now the fastest woman ever over 2000m after running a 5:19.70 in Monaco. Remarkable time. Brilliant 🏃🏼♀️🇦🇺pic.twitter.com/4BwTe4j0tY
— Heath (@LeastHesFunny_) July 13, 2024
На митингот во Монако, Американецот Реј Бенџамин го победи светскиот рекордер Карстен Вархолм и заврши прв на 400 метри со препреки. Тој ја помина делницата со време од 46.67 секунди. Норвежанецот заврши втор со 46.70 секунди, а трет заврши Бразилецот Алисон дос Сантос со 47.18 секунди.
А Норвежанецот Јакоб Ингебригтсен беше победник на 1500 метри (време 3:26.73 минути) подобрувајќи го сопствениот рекорд за Норвешка и Европа. Тој најави олимписка титула, а за неа ќе има сериозен противник – светскиот шампион Џош Кер.
