Младиот и талентиран Македонски интернационалец Дамјан Крстов има нов клуб. Досегашниот член на тимот на Ајакс, се сели во Херенвен каде што очигледно смета дека ќе има поголема можност за напредок.
Спортспорт веќе летово пишуваше за младиот офанзивец кого Македонија се обидува да го придобие да настапува за нашите младински репрезентации, а ете сега имаме и нов повод повторно да му посветиме внимание. Крстов е инаку офанзивец кој е генерација 2010 и кој допрва треба да покаже што вистински може како на клупско така и на репрезентативно ниво.
Инаку, во Херенвен своевремено настапуваа и нашите Миле Крстев, Горан Попов, Самие Фазли, а интересно е што со нив предоговор имаше потпишано и Елиф Елмас уште кога беше дел од тимот на Работнички.
