Шампионот Струга денеска во Огрид го пречекува Слован Братислава во реванш мечот од 1. Коло во квалификациите за ЛШ. Бесарт Ибраими, авторот на двата гола од првиот меч во Братислава, на прес-конференцијата во пресрет на реваншот призна дека Струга Трим Лум ќе има тежок меч со надеж дека овој пат среќата ќе биде на страна на Струга.
„Одлично го анализиравме последниот трансфер натпревар против Слован Братислава, така што овојпат веруваме дека нема да ги повториме истите грешки, туку да ги минимизираме и да се надеваме дека овој пат среќата ќе биде на наша страна. И покрај минусот од два гола, ние силно веруваме во позитивен резултат, иако ќе биде тешко“ – изјави Бесарт Ибраими.
„Ние напаѓачите сме тука да постигнеме гол. Разбирливо е дека како напаѓачи се обидуваме да постигнеме гол на секој натпревар, но можам слободно да кажам дека најважно во овој момент е да се постигне целта на тимот, а тоа без сомнение е пласман во следната рунда“, дополни Ибраими.
