Душан Тадиќ денеска и официјално објави дека се збогува со дресот на српската репрезентација. Тој објави соопштение за медиумите во кое индиректно порача дека нема да игра за репрезентацијата додека селектор е Драган Стојковиќ Пикси.
Откако го стори тоа во јавноста се огласи Пикси.
„Душан Тадиќ е големо име во српскиот фудбал и момче кое остави длабока трага на дресот на нашата репрезентација. Неговата кариера ја следев од моментот кога најави огромни голови во Војводина и подоцна кога се покажа во Холандија, Англија и Турција дека прерасна во еден од најдобрите играчи од средниот ред во Европа.
Од моментот кога ја презедов функцијата селектор на репрезентацијата го гледав како лидер и многу ми беше драго што Тадиќ ја носеше капитенската лента и бројот 10 на грбот.
Ја почитувам неговата одлука и му посакувам многу среќа во неговата понатамошна кариера, како на полето за игра, така и во онаа на која ќе се посвети откако ќе игра активно. Моја голема желба е да му приредам проштален натпревар, а на претседателот Џајиќ и на луѓето од Фудбалскиот сојуз на Србија ќе му предложам да ја искористат можноста во првиот слободен термин и достоинствено да се простат од поранешниот капитен. Тадиќ апсолутно го заслужи тоа“, изјави Стојковиќ.
