И дефинитивно вака повеќе не оди. Она за што “СпортСпорт“ низ коментар вчера го пишуваше, се чини дека “ресетирањето“ на Шкендија веќе е започнато и тоа лично од страна на сопственикот на клубот Лазим Дестани, сопственикот на “Еколог“ кој е спонзор на тетовскиот клуб.
По се изгледа дека и него му дојде преку глава Шкендија да нема титула три години, две сезони по ред да доживува елиминаци уште на стартот во Европа а неговиот клуб да го има убедливо најголемиот буџет во Македонија во било кој спорт, а посебно во фудбалот.
Дестани пред неколку дена имал кафе – муабет со легендарниот Адмир Мехмеди, роден во Гостивар и некогашен швајцарски фудбалер, големо име и во фудбалска Европа. Како што велат шпекулациите Дестани му понудил на Мехмеди да дојде во Шкендија и да ги среди работите во клубот.
Факт е дека во Шкендија во изминатите три години се направени многу грешки, овој клуб не е веќе страв и трепет во Македонија, иако троши милиони и милиони, па така Дестани сака да воспостави ред.
Инаку денеска се појавија шпекулации дека клубот размислува да го врати и Неби Мустафи во раководството. Останува да видиме како ќе се одвиваат работите во следните неколку дена.
Се разбира дека газда Лазим е на потег.
Фото: Instagram
