Возачот на Мекларен Ландо Норис ќе стартува од пол-позицијата за Големата награда на Унгарија. Првиот стартен ред го комплетира неговиот тимски колега Оскар Пјастри, додека актуелниот шампион Макс Верстапен ќе почне од третото стартно место.
Исходот од квалификациите го реши Јуки Цунода на две минути пред крајот. Возачот на РБ малку пошироко излезе од свиокот 3, поминал преку рабникот, по што се појавија и црвени знамиња напатеката.
Додека стјуардите ги чистеа остатоците од хаварисаниот болид, на Хунгароринг почна да врне дожд пред да продолжи сесијата. Норис и Пјастри од Мекларен ги заземаа водечките позиции пред паузата, а по нив беа Верстапен и Саинц.
