Иако сеуште не е одигран двомечот од втората квалификациска рунда во Лигата на Конференции, а познато е дека во среда и наредниот вторник Струга ТЛ се среќава со Пјуник, нашиот шампион утре ќе го дознае евентуалниот ривал за 3.квалификациско коло.
Утре во Нион во 14 часот ќе се одржи ждрепката за 3.квалификациска рунда во Лигата на Конференции. Сосема сигурно е дека Струга ТЛ ќе добие една од оние екипи кои се во “шампионскиот пат“ и кои исто како и нашиот шампион, се елиминирани во квалификациите во ЛШ.
Инаку утре рано наутро ќе биде скратен списокот на можните противници на Струга ТЛ. Сепак за да се игра во 3.квалификациско коло во ЛК, стружани ќе мора да го минат Пјуник во втората рунда.
