Во изминатите неколку денови наголемо се зборуваше и шпекулираше за судбината на Хулиан Алварез, ѕвездата на Сити и напаѓачот на Аргентина. Факт е дека тој откако дојде кај Пеп Гвардиола ја нема таа потребна минутажа, во преден план секако дека е Ерлинг Халанд и затоа посакал да си оди.
Се шпекулираше дека Атлетико Мадрид е силно заинтересиран за него, но сега “јорганџиите“ се поврзуваат со Артем Довбик.
Како врв на се ова доаѓа веста од Островот дека Манчестер Сити ја одредил цената за Аргентинецот.
А истата е “ситница“, и изнесува 90 милиони евра. Поточно исплата на 70 милиони евра и плус 20 милиони низ разни бонуси.
Ова значи дека тешко Алварез ќе го напушти „Еихад“.
