Од денеска и официјално нови членови на Гостивар се Алдаир Ѓало, дефанзивец од Гвинеа Бисао и искусниот офанзивен играч за врска Зени Хусмани.
Алдаир најголем дел од својата кариера ја мина во Португалија, потоа играше во Кипар како и во Словенија во тимот на Олимпија.
Зени Хусмани пред неколку години имаше своја епизода во Шкендија, но најмногу во својата кариера мина во Домжале.
Инаку се очекува потписот на Набил Дирар, искусен офанзивен играч за врска од Мароко кој некогаш играше за Клуб Бриж, Монако, Фенербахче токму во 2017 година кога турскиот гигант играше плеј – оф со Вардар во ЛЕ и беше елиминиран од нашиот тим. Тогаш за Фенер играа и Дирар и Потук, кој сега е капитен на Гостивар.
