Нашата одбојкарска репрезентација загуби на првиот пријателски натпревар со Црна Гора одигран денеска во Колашин, како дел од подготовките за претстојните квалификации за ЕП 2026. Избраниците на Хари Наковски беа поразени од домашната селекција со 3:1 (31:29, 25:22, 22:25, 25:20).
Иако во првиот сет имавме предност, во завршницата Црна Гора успеа на разлика сепак да го освои воведниот сет и да поведе. Ние се вративме во игра во третиот сет кога намаливме на 2:1, но очигледно тоа не беше доволно за подобар резултат.
Никола Ѓоргиев со 24 поени беше најефикасен во нашата селекција, додека кај Црна Гора, Војин Чаќиќ освои 19 поени.
По договор на селекторите се одигра и петти сет во кој Црна Гора победи со 25:16.
