Словенечкиот кошаркарски репрезентативец Клемен Препелиќ потпиша за екипата на Дубаи, која во новата сезона ќе дебитира во АБА лигата. Како што беше најавено, 31-годишниот Словенец потпиша договор со челниците на Дубаи на 2 + 1 година.
Препелиќ е европски првак од 2017 година со Словенија, а зад себе има голем број клубови за кои настапувал, како Реал, Валенсија, Галатасарај и Цедевита Олимпија.
Дубаи сега е се поблиску до комплетирање на првиот ростер во историјата на клубот. Претходно за Дубаи потпишаа Данило Андушиќ, Алекса Ускоковиќ, Немања Дангубиќ, Авуду Абас, Леон Радошевиќ, Ахмет Дувериоглу и Нејт Мејсон .
