Младата парагвајска пливачка Луана Алонсо одлучи да се пензионира после неуспехот на Олимписките игри во Париз. Во сабота таа пливаше квалификации на 100 метри делфин, а не помина во полуфинале и одлучи да ја заврши кариерата.
Овој пораз тешко и падна, а колку и значел овој настап говори и податокот дека на десната нога го истетовирала знакот на Олимписките игри.
„Сега официјално. Се повлекувам од пливањето. Ти се извинувам Парагвај!“, напишала Алонсо на социјалните мрежи.
Алонсо држи неколку парагвајски национални рекорди. Ова и е второ учество на ОИ.
