Четирикратниот Грен слем шампион и светски рекет број три, шпанскиот тенисер Карлос Алкараз се пласираше во 1/8 финалето на Олимписките игри 2024 година во Париз (Франција).
Во мечот од второто коло Алкараз (2) со резултат 6:1, 7:6 (7:3) го победи 28. светски рекет, Холанѓанецот Талон Грикспур.
Средбата на Алкараз со Грикспор траеше 1 час и 48 минути. Интересно е што по убедливо освоениот прв сет, Алкараз во вториот мораше да се избори за тај-брејк преку кој и дојде до победата.
За пласман во четвртфиналето на Олимпијадата, 21-годишниот Алкараз ќе се бори со Русинот Роман Сафиулин (66-ти рекет во светот).
