Арсенал во понеделникот го потврди централниот бек Рикардо Калафиори кој за 45 милиони евра дојде од редовите на Болоња, а лондонскиот клуб веќе пикирал уште еден фудбалер. Според новинарот Николо Скира, Арсенал се договорил со играчот од средниот ред Микел Мерино. На играчот му бил понуден договор до летото 2028 година кој го прифатил, сепак, за да се реализира трансферот треба „топчиите“ и Сосиедад да се договорат околу откупната сума.
Во меѓувреме претседателот на Сосиедад, Хокин Аперибај изјави дека ќе направи се за да го убеди Мерино да остане во Сан Себастијан.
Мерино е во Сосиедад од 2018 година, претходно играше за Њукасл, Борусија Дортмунд и Осасуна. Има и 28 настапи за Шпанија.
