Светскиот шампион, селекција на Германија на кошаркарскиот турнир на ЛОИ, дојде до втората победа на игрите во вториот меч. Вечерва во рамките на 2.коло во групата – Б, го совладаа Бразил со 86:73 и со тоа дефинитивно се пласираа во следната фаза.
Освен во втората четвртина,која Бразил ја доби со 30:18, сите останати четвртини беа контролирани од Германците кои на крајот заслужено славеа.
Невидена драма во Лил на мечот меѓу Франција и Јапонија. Аутсајдерот беше блиску до сензација. Имено Јапонците на 15 секунди имаа +4 поени, но Стразел погоди тројка а доби и едно слободно фрлање поради фаул врз него на тој шут.
Беше успешен и со тие 84:84 го однесе мечт во продолженија во кои Франција сепак беше подобра и победи со 94:90.
