Уште еден одличен меч за Словенија, и овој пат вреден победа. Избраниците на Урош Зорман ја совладаа Шведска со 29-24 и сосема заслужено се радуваа на својот втор триумф на ЛОИ во Париз. Словенците одиграа како под ноти, одбраната беше неверојатна, одлично се подготвиле за Швеѓаните.
Јанц постигна десет гола, Влах имаше осум погодоци, Ферлин запиша девет одбрани. На другата страна Ване запиша шест погодоци.
По воведните минути, Словенците беа тие кои го диктираат темпото, поведоа со 11-6, но Шведска пред крајот на првото полувреме намали на 15-14. Се чинеше дека ќе гледаме неизвесен меч, но ракометарите на Словенија предводени од својот голман, Ферлин, со кратки серии дојдоа на 26-20 во 51-та минута и полека ги урнаа надежите на противниците.
Победата е уште поголема, ако се додаде дека Словенија остана без Благотинчек, кој заработи црвен кратон.
