Лионел Меси во својата кариера има играно со голем број на фудбалери, со дел од нив созададе посебна врска.
Сепак, како што вели самиот Аргентинец, има само еден фудбалер кој го познава „до совршенство“, а во една од своите изјави реши да открие за кого се работи. Човекот за кој зборуваше Меси беше Жорди Алба, кој стана третата легенда на Барселона која му се приклучи на тимот на Дејвид Бекам во истиот преоден рок.
За време на нивниот престој во Барселона тие имаа неверојатна врска. Меси постојано ќе се вметнуваше во средината, а ќе бараше простор покрај десниот бек, а потоа ќе следуваше перфектен центаршут на Алба.
Алба ретко имаше проблем да го пронајде Меси во шеснаесетникот, а тоа речиси секогаш резултираше со прилика за брилијантниот Аргентинец.
Така, Алба асистираше на 23 од 672 постигнати гола на Меси во дресот на Барселона, а пред него се само пет фудбалери.
„Жорди Алба ме познава до совршенство“, изјави Лео Меси за Каталонско радио.
„Тој знае кога ќе ја додадам топката без да гледам. Имаме навистина посебна врска и тоа можете да го почувствувате на теренот“, рече Меси.
Меси и Алба веќе забележаа неколку голови и асистенции во нивните кариери заедно во Интер Мајами, па јасно е дека врската се уште не е завршена.
„Не би се уморил да победувам. Сакам да продолжам да победувам, да се натпреварувам. Да не бев возбуден за проектот, немаше да дојдам. Ќе останав во Барселона, дома, немаше да играм фудбал“, изјави Алба.
