Македонската кошаркарска репрезентација до 18 години денеска (18:30 часот) го игра најважниот меч на Европското првенство „Б“ Дивизија кое се одржува во Скопје. Нашите момци ќе бараат пласман во полуфиналето против Португалија за чекор од пласман во А Дивизија.
Кошаркарите во групната фаза запишаа пет победи во исто толку одиграни натпревари, одиграа храбро и мотивирано, нешто што се очекува да биде и денеска на големиот празник Илинден.
На другата страна Португалија не ја заврши групната фаза совршено, има два порази во четири одиграни натпревари, што пак говори дека не е непобедлива.
Оние кои нема да можат да дојдат во сала, мечот ќе можат да го гледаат на линкот во продолжение.
