Фулам го официјализираше трансферот на Емил Смит Роу кој е рекорден во историјата на клубот. Малиот лондонски клуб ќе му плати на Арсенал 27 милиони евра плус уште седум милиони во форма на бонуси.
24-годишниот офанзивен играч за врска, кој е од академијата на Арсенал, потпиша петгодишен договор со опција за продолжување на уште една година.
Минатата сезона Смит Роу одигра само 346 минути во Премиер лигата, а повредата на коленото го оддалечи околу шест недели. Инаку тој има и три настапи за Англија, а последниот му е во март 2022 година.
Инаку Смит-Роу во Фулам ќе го носи дресот со број 10.
