Шпанскиот тенисер Карлос Алкараз призна дека дефинитивно ќе направи нова тетоважа доколку во недела попладне во финалето на Олимписките игри го победи Новак Ѓоковиќ.
Алкараз е благ фаворит, во Париз дојде по триумфот над Ноле во финалето на Вимблдон, а олимпиското злато ќе значи и ново „цртање“ на неговото тело.
„Ако победам најверојатно да. Останува уште еден мал чекор, натпреварот е голема планина, но ако го победам, ќе го направам тоа“, изјави Шпанецот.
Откако ја освои титулата на УС Опен во 2022 година, тој го истетовира датумот на неговата победа на десниот лакт. Неговото епско патување до титулата на Вимблдон во 2023 година е препознаено по тетоважата со јагода на неговиот десен зглоб.
Алкараз ја истетовира Ајфеловата кула и датумот на неговиот триумф на левиот зглоб по освојувањето на Ролан Гарос оваа година, додека не би било изненадување ако триумфира над Новак за да ги види олимписките кругови.
Имаше интересна забелешка и за родителите и „загриженоста“ за тие тетоважи.
„Им кажав на моите родители, само за да ги смирам, дека се тетовирам само кога првпат ќе победам на главниот турнир“.
