Жан Филип Матета е името кое вечерва го слави Франција. Благодарение на овој фудбалер домаќинот на ЛОИ успеа да се пласира во финалето. Со неговите два гола, Франција го победи Египет после продолженија со 3-1.
Франција за противник во финалето на ЛОИ ќе ја има селекцијата на Шпанија.
По 0-0 во првото полувреме, Египет со голот на Сабер поведе во 62-та минута. Матета прво израмни во 83-та минута (1-1), а потоа во првото продолжение и донесе водство на Франција од 2-1. „Триколорите“ не само што се извлекоа, туку и дојдоа до поубедлива победа со голот на Олисе во 108-та минута.
