Актуелниот светски шампион во кошарка, репрезентацијата на Германија, за првпат во историјата се пласираше во полуфиналето на Олимписките игри, совладувајќи ја Грција со 76:63 (11:21, 25:15, 23:16, 17:11) во првиот четвртфинален натпревар одигран во Париз.
Германија благодарение на одличната одбрана и расположените играчи Вагнер и Шрудер целосно го надигра противникот во вториот дел.
Вагнер беше најдобар стрелец кај победничката екипа со 18 поени. Шрудер постигна 13 поени и седум асистенции. Тиман искомбинира десет поени и шест скока, а Исак Бонга постигна девет поени и имаше шест скока.
На другата страна Јанис Адетокумбо имаше 22 поени.
Во полуфиналето Германија го чека победникот од дуелот меѓу Канада и Франција кој ќе игра од 18 часот. Од 14 часот и 30 минути ќе играат Србија – Австралија, а од 21 часот на паркетот ќе излезат последната четвртфинална двојка Бразил и САД.
