Нема две злати за Света Луција на спринтерските трки на ЛОИ во Париз. Имено во спектакуларна финална трка на 200 метри, во голем стил победи Американката Габриела Томас со време од 21, 83 секунди и дојде до својот најголем успех во кариерата.
Втора беше Жулиен Алфред од малата државичка со 160.000 жители, која по златото на 100 метри вечерва освои и сребро.
Алфред фантастично стартуваше, но сепак како одминуваше времето Томас беше фантастична.
Трета заврши Британи Браун од САД. Значи злато и бронза за Американките на 200 метри.
