Милан ја победи Барселона по изведување на пенали, откако дуелот во регуларниот дел заврши 2-2.
Натпреварот го отвори Јовиќ кој на асистенција на Пулишиќ, стрелаше во 10та минута за 1-0. Пет минути подоцна Пулишиќ зголеми на 2-0. Барселона преку Левандовски намали на 2-1 во 22-та минута, додека израмнувачкиот гол „падна“ во второто полувреме. Повторно, Левандовски ја затресе мрежата за 2-2.
Откако ниту еден од тимовите не успеа да постигне гол во продолженијата, следеше пенал серија во која каталонскиот тим промаши трипати од шест обиди, а Милан не беше прецизен двапати, што беше доволно за победа.
Во САД пријателски меч одиграа и Реал Мадрид и Челзи. „Кралскиот“ славеше со 2-1 со головите на Лукас и Диас во 19-тата и 27-мата минута, додека пак за англискиот тим стрелец беше Мадуеке во 39-тата минута.
