За разлика од мажите вчера, женската ракометна селекција на Франција победи во драматичен меч и тоа против Шведска и успеа да се пласира во големото финале на задоволство на ракометните фанови во земјата организатор на овие ЛОИ.
Швеѓанките беа подобри во првиот период кој го добија со 12:10. Во продолжението се водеше голема борба, а во последната минута Шведска влезе со предност од 25:24, но сепак Французинките успеаја да израмнат и со тоа ова полуфинале влезе во продолженијата.
Таму Франција беше подобра, знаеше како треба да одигра за победа и до нејзе дојде со конечен резултат од 31:28. По ова еуфорија кај домашните ракометарки а голема тага кај Швеѓанките.
Противник во финалето на Франција ќе биде подобриот од второто полуфинале во кое се среќаваат Данска и Норвешка кои играат вечерва од 21:30 часот.
