Италијанците и Шпанците својот меч го завршија со плејоф од петтото до осмото место на ЛОИ, а мечот ќе остане запаметен по скандалот што се случи.
Шпанците победија со 11:9, а Италијанците уште пред почетокот на натпреварот направија гест кој беше наречен вистински скандал во светот на ватерполото.
Прво во знак на протест го свртеа грбот при интонирањето на државната химна, а потоа до четвртата минута играа со играч помалку.
Причината поради која тоа го направија е незадоволството предизвикано од четвртфиналниот натпревар кога беа поразени од Унгарија со резултат 12:10.
