Данските ракометари по голема драма ја победија Словенија со 31:30 во полуфиналето на Олимписките игри, во финалето ќе играат против Германија. По овој меч на Словенците им останува играта за бронзен медал каде ги чека Шпанија. Тоа беше меч во кој Данска имаше предност од третата минута и не ја испушти до крајот, но Словенија не го искористи нападот во последните секунди за да израмни и да оди во продолженија.
Во поголемиот дел од натпреварот се чинеше дека Данска лесно ќе победи, на полувремето водеа со 15:10, а во неколку наврати во вториот дел ја зголемуваа предноста на шест поени. Сепак, Словенците се вратија во игра најмногу благодарение на одбраните на Ферлин на крајот.
Со серија од 3:0 дојдоа до негатива од еден поен на минута пред крајот. Данците потоа освоија седмерец, но Ферлин го одбрани ударот на Микел Хансен. Потоа на 15 секунди до крајот Словенците го започнаа последниот напад за израмнување.
Играа седум на шест, а во последната секунда добија девет метри. Сепак, забавеното видео покажа дека чешката судиска двојка Хорачек-Новотни тешко ги оштетила Словенците и дека со право полудеа по судиите штом покажаа на девет метри. Имено, при одбраната на својот гол, данските ракометари газеа на голманскиот простор, за што автоматски се досудува пенал. Словенците требаше да имаат седмерец на самиот крај, а ако погодеа, полуфиналето ќе одеше во продолженија.
Словенечкиот селектор Урош Зорман бесен на теренот, а не се олади ниту по натпреварот:
„Судењето во текот на целиот натпревар не беше ниту на ниво на полуфинале, ниту на ниво на Олимписките игри. Судиите носеа одлучи во корист на Данците, дури и сите ситни одлуки, млаите топките отидоа на нивна страна. Не дека зборувам премногу за судиите, но тоа е факт. Ракометот не е глобален спорт. Има премногу термини кои можат да се толкуваат, а клучни се: фаул, колку трае нападот, што е седмерец…“, рече Зорман.
