Карло Анчелоти врши одлична работа на клупата на Реал Мадрид, но секако тоа не би било можно доколку ја нема исклучителната поддршка од Флорентино Перез, кој не сака пари за играчи кои ќе му донесат предност на тимот.
Иако дојде од Париз без обештетување, Реал сепак потроши огромна сума на пари за Мбапе, како за плата, така и за бонуси, а има и потпис. Над 70 милиони евра се издвоени и за Ендрик, но нападот на Мадрид веројатно ќе биде незапирлив за речиси сите одбрани на светот, бидејќи покрај наведените играчи се уште Винисиус Жуниор, Родриго…
Сепак, атомскиот напад не е гаранција за успех. Коцките треба да се подредат во средниот ред, но и во одбраната. Реал има многу добри дефанзивци, но Реал нема да ја пропушти можноста да го доведе Витор Реис.
За многумина тој е целосна непозната, но британски Гардијан го вброи во самиот врв на најдобри светски фудбалери родени 2006 година, односно штотуку полнолетни оваа година.
Реис има договор со Палмеирас до летото 2028 година, но и откупна клаузула од 100 милиони евра. 18-годишникот ја шармираше скаутинг службата на Реал во Јужна Америка и тие веруваат дека тој треба да биде купен што е можно поскоро.
Витор Реис е стопер со висина од 186 см, а настапува за кадетската репрезентација на Бразил, но му се предвидува одлична кариера доколку нема здравствени проблеми.
Така Реал би можел да донесе уште еден талент од Палмеирас, по Ендрик. Се очекува Флорентино Перез многу брзо да преземе конкретни чекори и да направи потег кој на Мадрид ќе му донесе побезбедна одбрана во годините што доаѓаат.
