Иако официјално летниот преоден рок завршува на 6 септември, сепак како што е ред пред стартот на сезоната 2024/25 во ПМФЛ, убаво ќе биде да видиме досега нашите прволигашки клубови како “пазареа“. И ова лето немаше класични трансфери од типот да платиш за отштета, туку онака по наше се ангажираа слободни играчи.
А имаше “бомби“, пред се како онаа на Бесарт Ибраими кој го напушти шампионот за да се пресели во Шкендија. Струга ТЛ и тоа како се засили, и тоа со Стефан Спировски, Ланре Кехинде, потоа Арби Воша. Масааки Такахара, Кире Ристевски, голманот Христијан Стевковски и стоперот Бојан Илиевски. Вака на прв поглед има најквалитетен тим, но преодниот рок уште не е завршен а Шкендија е во налет и поради Ибраими, па Валон Ахмеди, се говори за Фред Алварез…
Вардар со новото раководство успеа да донесе повеќе квалитетни играчи и тоа Филип Најдовски, Џибрил Дианеси, Закари, Донгмо, Шаркоски
Една од “бомбите“ секако дека е Набил Дирар во Гостивар, а во овој тим дојдоа и Трајчевски, Симоновски и други познати имиња.
Брера изненадува. Успеа да го ангажира Димитар Тодоровски, најдобриот играч на Работнички и еден од капитените на младата селекција на Македонија. Исто така и Шкупи добро пазареше, барем во квантитет, а каков ќе биде квалитетот допрва ќе видиме.
И Тиквеш се засили, веројатно ќе има подобар тим од лани. Од Работнички, Пелистер и Силекс се очекуваше повеќе, во Беса дојдоа неколку искусни играчи а Воска Спорт е тотална недоумица. Откако клубот од Охрид го продаде Марушиќ во Германија, веројатно сега има пари да купи поквалитетни играчи.
Во продолжение можете да ги видите сите трансфери во клубовите од ПМФЛ досега, уште еднаш со напомена дека летниот преоден рок трае до 6 септември.
СТРУГА ТРИМ ЛУМ (СТРУГА)
ДОЈДОА: Стефан Јевтоски (Ујпешт – Унгарија), Филип Дујмовиќ (Железничар – БиХ), Масааки Такахара и Ланре Кехинде (Гостивар), Бојан Илиевски и Христијан Стевковски (Македонија ЃП), Кире Ристевски и Стефан Спировски (Етникос – Кипар), Арби Воша (Шкупи).
ЗАМИНАА: Бесарт Ибраими (Шкендија), Сенад Јаровиќ (Гњилане – Косово), Ментор Мазрекај (Беса – Албанија), Вангел Згуро (Партизани – Албанија), Меџит Незири (Беса), Ведран Ќосевски (Естрегал – Иран), Кристијан Китановски (Воска), Христијан Георгиевски (Нафта – Словенија), Едис Малиќи (?)
ШКЕНДИЈА (ТЕТОВО)
ДОЈДОА: Бесарт Ибраими (Струга ТЛ), Валон Ахмеди (Шахтјор Солигорск – Белорусија), Александер Трумчи (Билис – Албанија), Дауда Бамба (Умраниаспор – Турција), Адаму Алхасан (Гостивар).
ЗАМИНАА: Енур Тотре (Восркла – Украина), Ералдо Чинари (Ноа – Ерменија), Бруно Дита (Динамо Сити – Албанија), Башким Велија (Беса), Алмир Аганспахиќ (?).
ШКУПИ (СКОПЈЕ)
ДОЈДОА:Џелил Асани и Флоријан Кадриу (Ерсени – Албанија), Демир Имери (Андијон – Узбекистан), Јумеми Канда (Хонг Конг Ренџерс – Хонг Конг), Кристијан Блажевски (Крка – Словенија), Амар Мелиќи (Башкими), Георг Стојановски (?), Нуман Ајетовиќ (?), Ел Хаџи Гуе (?), Емир Асани (?).
ЗАМИНАА: Дарко Илиески (Истиглол – Таџикистан), Дарко Додев (Силекс), Марио Младеновски (Вараждин – Хрватска), Блертон Шеји (Дрита – Косово), Кристијан Трапановски (Данди Јунајтед – Шкотска), Андреа Ефремов (Македонија ЃП), Емануел Гронер (Арѓес – Романија), Али Адем (Фљамуртари – Албанија), Дуду Сампајо (Хапоел Тел Авив – Израел), Арби Воша (Струга ТЛ), Кристијан Тошевски (?).
ТИКВЕШ (КАВАДАРЦИ)
ДОЈДОА: Мартин Стојанов (Септември – Бугарија), Давид Манасиевски (Силекс), Ѓорѓи Ѓорѓиев (Брегалница), Стефан Тасев (Вардар Неготино), Михаил Маневски (Брегалница), Витао (Ривер АЦ – Бразил), Милован Петровиќ (?), Алмир Цубара (?), Лео Гуера (Амазонас – Бразил),
ЗАМИНАА: Даниел Карчевски (Пелистер), Зоран Даноски и Давид Стојков (Брегалница), Адриен (Амазонас – Бразил), Кире Митков (Слобода Ужице – Србија), Стојан Петковски (Борец Велес), Глигор Дончев (?), Ариан Ренер (?), Глигор Шиков (Детонит).
СИЛЕКС (КРАТОВО)
ДОЈДОА: Ангелче Тимовски (Гостивар), Дарко Додев (Шкупи), Ален Јашароски (Воска), Илија Донов (Брегалница), Валентин Кочоски (Воска), Никола Брауновиќ (Балзан – Малта), Ади Алиќ (Ахронас – Кипар).
ЗАМИНАА: Антонио Каланоски (Брера), Виктор Серафимовски (Пелистер), Давид Манасиевски (Тиквеш), Стефан Лазаревиќ (Работнички), Панче Петров (Детонит), Стефан Милосављевиќ (Слога Меридиан – БиХ), Матеј Андов и Димитриј Попоски (Охрид), Андреј Ричков (?).
ГОСТИВАР (ГОСТИВАР)
ДОЈДОА: Дарко Глишиќ (Вардар), Константин Чешмеџиев (Хаџер – С. Арабија), Мевљан Мурати (Работнички), Емануел Мбенде (Гвидонија – Италија), Огузан Ајдоган (Дузеспор – Турција), Зени Хусмани (Домжале – Словенија), Душко Трајчевски (Докса – Кипар), Набил Дирар (Шифланж – Кипар), Малик Хамзиќ (Работнички), Кристијан Ѓорѓиевски (Македонија ЃП), Марко Симоновски (?).
ЗАМИНАА: Ангелче Тимовски (Силекс), Масааки Такахара и Ланре Кехинде (Струга ТЛ), Амир Билали (Сабаил – Азербејџан), Адаму Алхасан (Шкендија), Томас Мајснер (?), Рушту Јонус (?).
БРЕРА СТРУМИЦА (СТРУМИЦА)
ДОЈДОА: Антонио Каланоски (Силекс), Марјан Ристовски (Вардар), Мартин Давков (Брегалница), Димитар Тодоровски (Работнички), Филип Антовски (Карвина – Чешка), Дарко Лазиќ (?).
ЗАМИНАА: Марко Алчевски (Хапоел Ерусалим – Израел), Димитар Трајков (Полисја Житомир – Украина), Лео Антонио (Спартак – Србија), Александар Ристевски – Пелистер), Матеј Цветаноски (Железничар – БиХ), Лука Георгиев (Детонит), Нахуел Франко (Беса), Агрон Руфати (?), Горан Томовски (?), Илјаз Чилафи (Брегалница), Живко Крстев (Вардар Неготино), Филип Муканов (?), Марио Костов (Вардар), Давид Спасов (Вардар Неготино), Кире Стојанов (Беласица), Никола Талески (Победа).
РАБОТНИЧКИ (СКОПЈЕ)
ДОЈДОА: Лука Робакидзе (Брегалница), Михаил Димитриевски (Брегалница), Нгу Абега Енјан (Паиде – Естонија), Стефан Лазаревиќ (Силекс).
ЗАМИНАА: Мевљан Мурати (Гостивар), Стефан Деспотовски (Шериф – Молдавија), Сабит Билали (Гњилане – Косово), Димитар Тодоровски (Брера), Емре Кадри (Брегалница), Матеј Ангелов (Черкаси – Украина), Петар Јакимов (Борец), Дестан Адили (Воска).
ВОСКА СПОРТ (ОХРИД)
ДОЈДОА: Дестан Адили (Работнички), Кристијан Китановски (Струга ТЛ), Билал Исени (Хамшик Академија – Словачка), Овен Макоуангоу (Гоувеиа – Португалија), Амос Дадет (Ал Завра – Ирак), Албан Мемеди (Детонит), Марко Вуковиќ (Романија Пале – БиХ), Томе Китановски (Маурверк – Австрија), Хабибула Аскар (?).
ЗАМИНАА: Алекса Марушиќ (Магдебург – Германија), Никола Стијеповиќ (Суха Река – Косово), Ален Јашароски (Силекс), Костадин Захов (Беса), Милош Ачимовиќ (Игман Коњиц – БиХ), Филип Тодороски (Пелистер), Николче Шаркоски (Вардар), Љупчо Трпески (?), Валентин Кочоски (Силекс), Фатјон Јусуфи (Феризај – Косово), Андре Менсалао (Телави – Грузија), Бобан Георгиев (Пелистер), Јован Николиќ (Игман Коњиц – БиХ).
ВАРДАР (СКОПЈЕ)
ДОЈДОА: Филип Најдовски (Тирана – Албанија), Џибрил Дианеси (Ла Лувие – Белгија), Горан Закариќ (Еоликос -Грција), Николче Шаркоски (Воска), Ѓорѓе Ќосиќ (Тузла Сити – БиХ), Данел Донгмо (ЕСТАК Троа – Франција), Сеук -Гујан Ким (Акритас – Кипар), Дарко Сековски (Македонија ЃП), Марио Костов (Брера).
ЗАМИНАА: Дарко Глишиќ (Гостивар), Јорго Папули (Кожув), Кеба Кебел Сусо (Бурган – Кувајт), Марјан Ристовски (Брера), Лука Шушњара (Триглав – Словенија), Михаел Бришки (Табор Сежана – Словенија), Марјан Алтипармаковски).
БЕСА (ДОБРИ ДОЛ)
ДОЈДОА: Башким Велија (Шкендија), Меџит Незири (Струга ТЛ), Костадин Захов (Воска), Адама Самаке и Адмир Љатифи (Македонија ЃП), Горан Силјановски и Ремзифаик Селмани (Брегалница), Адем Драгановиќ (Рехден – Германија), Нахуел Франко (Брера), Бесмир Даци (Дукаѓини – Косово).
ЗАМИНАА: Јовица Радевски (Брегалница), Албан Таипи (Детонит), Мухарем Мислими (Башкими), Александер Борха (Чукута Депортиво – Колумбија), Изаир Емини (пензија), Бурим Садики (пензија), Фатмир Ариф (?), Фестим Ебиби (?), Дарко Тофилоски (?), Христијан Драгарски (?).
ПЕЛИСТЕР (БИТОЛА)
ДОЈДОА: Александар Ристевски (Брера), Виктор Серафимовски (Силекс), Даниел Карчески (Тиквеш), Дамјан Масевски (Охрид), Филип Тодороски (Воска), Мирко Ивановски (Тунари – Романија), Бобан Георгиев (Воска), Лукас Кардозо (?)
ЗАМИНАА: Никола Наумоски (СВ 1910 Нојф – Германија), Борјан Пановски (Башкими), Симеон Христов (Македонија ЃП), Марио Дебрешлиоски (Беласица), Петар Љамчевски (Маурверк – Австрија), Дарко Размоски (Македонија ЃП), Марио Наумоски (?), Борче Маневски (пензија), Ѓорѓи Танушев (?), Филип Трајчевски (?), Јорданчо Наумоски (?).
