Вкупно 3,7 милиони гледачи ги следеа првите 14 стартови на сезоната 2024 во Формула 1 од трибините на патеките. Ова неделава го објави извршниот директор на Формула 1 Стефано Доменикали во својот извештај за приходите од светскиот шампионат.
Забележан импресивен раст од 20% до 871 милиони долари. Зголемувањето главно се должи на фактот што во споредба со истиот период во 2023 година – вториот квартал од годината, Формула 1 сега успеа да одржи уште две трки – во Кина и на Имола.
Што се однесува до гледачите на трибините, овде сликата е „искривена“, бидејќи на влезовите на патеката броењето секој ден почнува од нула и на крај се собираат резултатите од деновите од тркачките викенди. Така, гледачот кој гледал во петок, сабота и недела бил изброен три пати. Така, рекордна посетеност за викендот е забележана во Канада – 350.000 луѓе, а Силверстоун го израмни минатогодишниот рекорд – 480.000 гледачи за викендот.
