Хусеин Јусел, потпретседателот на Бешикташ изјави дека го барале Федерико Киеза меѓутоа се откажале поради неговите нелогични барања. Киеза е во кавга со Јувентус и сака да си оди, па се уште чека понуди од други клубови.
Бешикташ кој претходно го донесе Чиро Имобиле, сакал да го донесе и Киеза но се повлекле откако ги дознале под кои услови фудбалерот би се согласил на трансфер.
„Точно е дека зборувавме за трансфер на Киеза. Сепак, фудбалерот побара плата од 9 милиони евра. Според нас тоа се нелогични барања кои не можеме да ги исполниме. Затоа тој не е повеќе во агендата на Бешикташ. Клупските интереси се поважни од имињата на фудбалерите“, изјави Јусел.
