Австралијската брејкденсерка Рејчел Ган според многумина е најлошата натпреварувачка на Олимписките игри во Париз. Таа стана сензација на интернет бидејќи со својот настап не освои ниту еден поен. Судиите ја гледаа Ган во три изведби каде таа отскокнуваше и се тркалаше на подот без ритам, а гледачите потоа шокирано коментираа на социјалните мрежи.
Ган се бранеше дека сите потези сама ги смислила и затоа се единствени. На крајот толку се прослави што маркетинг експертот Макс Марксон тврди дека ќе стане милионер:
„Таа веќе има голем бренд, нејзината репутација во Австралија не е голема, но таа е позната во остатокот од светот. Ќе добие меѓународни понуди од брендови за спортски обувки како Адидас и Пума, прехранбени компании, електрични автомобили, а ќе добие и понуда од светот на телекомуникациите. Нови ѕвезди потпишуваат договори со три до пет компании, а таквите договори се плаќаат за половина милион долари. Таа е на пат да заработи до 2,5 милиони долари“.
She got zero points.
But we’re not allowed to criticize her because it makes her cry. Perhaps if her family and friends had been honest with her, she would not have globally humiliated herself. pic.twitter.com/Qa6SAu6Itg
— Sarah Fields (@SarahisCensored) August 12, 2024
Многумина веруваат дека Ган, чие уметничко име е Рејгун, намерно се пошегува со нејзиниот настап за да добие популарност.
