Честа да ја отворат новата сезона во НБА лигата им припадна на кошаркарите на Бостон Селтикс и Њујорк Никс, кои силите ќе ги одмерат на 22 октомври, а потоа Лос Анџелес Лејкерс ќе се сретне со Минесота Тимбервулфс.
Во првиот натпревар од вечерта, актуелните шампиони ќе ги добијат прстените пред да се соочат со Никс.
Во вториот натпревар Минесота ќе биде домаќин на Лос Анџелес Лејкерс. Овој дуел би можел да биде историски, бидејќи Леброн Џејмс и неговиот син, Брони Џејмс би можеле првпат да играат заедно на еден натпревар од најсилната лига во светот.
Редовниот дел од сезоната ќе трае до 13 април, плеј-инот од 15 до 18 април, додека најважниот дел, плеј-офот ќе започне на 19 април.
Исто така, второто издание на новосоздадениот НБА куп ќе се одржи од 12 ноември до 17 декември.
