Ревалдо Мичел (22), напаѓач од Јамајка е ново име во редовите на некогашниот шампион на Македонија, тимот на Работнички. Клубот од Дебар Маало попладнево се пофалија дека имаат и официјално ново име во своите редови.
Мичел кој може да игра на неколку позиции во нападот, доаѓа од клубот Ватерхаус од Јамајка, претходно играл и за други клубови во својата земја.
Работнички и Македонија на Ревалдо Мичел ќе му бидат први интернационални предизвици.
Од Работнички се најавува дека до крајот на преодниот рок, до 6 септември, тимот на стратегот Горан Станиќ ќе се засили со уште некое ново име.
