На Олимписките игри во Париз, Новак Ѓоковиќ го освои последниот трофеј што му недостигаше во кариерата и стана херој за многумина. Сепак, иако се закити со слава, иако доживеа спектакуларен пречек во Белград, тоа нема да му значи многу кога е АТП листата во прашање.
Најдобриот тенисер на сите времиња не доби ниту еден поен за настапот на Олимписките игри, а овој понеделник излезе на второто место на АТП листата со 8.460 поени. Но, поради неговите напори на Олимписките игри, пред тоа настапуваше на Вимблдон, а потоа не се појави на турнирот во Синсинати. Тоа значи дека во понеделник ќе загуби 1.000 поени и ќе падне на 7.460 поени.
Тоа значи дека речиси сигурно ќе го пречека УС Опен како трет, ако не и четврти тенисер во светот. Карлос Алкараз ќе го помине Новак за второто место доколку добие уште два натпревари во Синсинати. Можност да го претекне има и Александар Зверев, но за тоа би морал да го освои Синсинати.
Кога би бил втор на АТП листата, би го избегнал дури Јаник Синер и би се одвоил од него во ждрепката до финалето. Вака како трет може да биде со првиот и вториот на АТП листата во истиот дел од ждрепката, а можно е да се сретне со Синер и Алкараз уште пред полуфиналето.
Што се однесува до самиот УС Опен, тој таму ја брани титулата, па по турнирот во Њујорк би можел да има 5.460 поени, се разбира доколку не освои поени во Америка. Тоа би го симнало на петтото или шестото место на АТП листата, но судејќи по формата од Париз, тешко дека Новак би можел брзо да испадне од турнирот.
