Почнува новата сезона во Серија А. Интер е бранител на титулата, а има доволно добар состав за да го одбрани тронот, Милан, по се изгледа, е најсериозен противник на шампионот, Јувентус почнува нова ера, Наполи се уште се бара себе си…
Од позадина се секогаш незгодните Аталанта и Рома. Лацио е тотална непознаница, Болоња тешко дека ќе ја повтори минатата историска сезона.
Интер веќе имаа многу силен тим, а во текот на преодниот рок дополнително се засилија: Пеп Мартинез, Пјотр Зелински и Мехди Тареми ги засилија офанзивниот ред. Дефанзвниот ред со Томас Паласиос и Јан Бисек кој бележи голем напредок.
Милан го задржа минатосезонскиот тим и го надополни со Страхиња Павловиќ, Емерсон Ројал, Алваро Мората и Јуфус Фофана. Ќе видиме што може Јувентус. Тијаго Мота го презема кормилото, Кенан Јилдиз е новиот капитен. Ќе има реконструкција во редовите, па интересно е да се види што може.
Аталанта ова лето се бори да го состави костурот на тимот. Во изминатите две недели останаа без Џорџо Скалвини, Џанлука Скамака кои се повредија, Теун Копмајнерс веројатно ќе заврши во Јувентус.
Лацио е тотална непознаница. По Сергеј Милинковиќ-Савиќ ова лето остнаа и без Чиро Имобиле, Луис Алберто и Фелипе Андерсон. Овие играчи беа носители на играта на римската екипа во изминатите сезони.
Болоња, која ќе игра во ЛШ сезонава, се чини се „распадна“. Замина тренерот Тијаго Мота, заминаа Рикардо Калафиори и Џошуа Зиркзе, а Алексис Салемакерс се врати во Милан.
СЕРИЈА А, 1 КОЛО
САБОТА (17.08.2024)
ЏЕНОВА – ИНТЕР 18.30 ч.
ПАРМА – ФИОРЕНТИНА 18.30 ч.
МИЛАН – ТОРИНО 20.45 ч.
ЕМПОЛИ – МОНЦА 20.45 ч.
НЕДЕЛА (18.08.2024)
БОЛОЊА – УДИНЕЗЕ 18.30 ч.
ВЕРОНА – НАПОЛИ 18.30 ч.
КАЉАРИ – РОМА 20.45 ч.
ЛАЦИО – ВЕНЕЦИЈА 20.45 ч.
ПОНЕДЕЛНИК (19.08.2024)
ЛЕЧЕ – АТАЛАНТА 18.30 ч.
ЈУВЕНТУС – КОМО 20.45 ч.
