По цели три години пауза, некошниот светски првак во УФЦ, Конор Мекгрегор требаше во јуни оваа година да се врати во октагонот. Сепак спекткалот изостана, не дојде до борба меѓу Ирецот и Мајкл Чендлер.
Но, Конор не се предава така лесно. Тој преку социјалнире мрежи го повика Дана Вајт, првиот човек на УФЦ да закаже еден меч во кој Ирецот ќе покаже што знае, барем така вели тој.
„Дана, декември тој и тој. Да ја завршиме календарската година со победнички меч. Го заслужувам тоа. Веќе следниот месец одам на висински подготовки“ напиша покрај другото контроверзниот Ирец.
Се разбира дека за ова не се доволни само желбите и амбициите на Конор. Дана Вајт е доволно паметен и искусен за да знае дека од ова би можело да се направи спектакл.
