Шпанскиот репрезентативец Родри ќе го продолжи договорот со Манчестер Сити. Овој играч за врска се поврзуваше со Реал Мадрид како наследник на Тони Крос, а „граѓаните“ не сакаат да го пуштат затоа што е важен играч во тимот.
Британските медиуми тврдат дека Сити го убедли Родри да остане на „Етихад“, а со новиот договор тој ќе биде најплатениот играч во тимот, дури повеќе од Халанд и Де Брујне. Родрги кој е кандидат за „Златната топка“ моментално заработува по 258.000 евра неделно, а според новиот договор платата ќе му биде двојно поголема.
Родрги во клубот дојде во 2019 година, а засега има договор до крајот на сезоната 2026/27.
