Ракометарите на Алкалоид победија на отварањето на меморијалниот турнир „Крсте Андоновски“ во Охрид против српскиот состав Динамо Панчево со 27:22. Одличното прво полувреме во кое освојувачот на Купот на Македонија направи предност од 16:9, се чини дека беше клучен дел од победата на мечот.
Во редовите на Алкалоид одлично издание имаше Никола Костески со шест гола, додека Мартин Серафимов постигна 5 погодоци. И на овој меч своите извонредни квалитети ги покажа младиот голман Галевски кој нанижа 11 интервенции.
