Германскиот централен играч за врска Илкај Гундоан пред една година како слободен играч се пресели од англиски Манчестер Сити во каталонска Барселона, но сега е на пат да се врати назад.
33-годишниот фудбалер минатата сезона одигра 51 натпревар, постигна пет гола и имаше 14 асистенции. Една година по доаѓањето во Блауграна, Гундоан е на праг да го напушти клубот.
Всушност, страните веќе конечно се договорија за овој потег, додека единственото прашање што останува отворено е каде точно ќе оди Илкај. Последните вести сугерираат дека се очекува Германецот да се врати во Манчестер Сити.
Клубовите вчера имаа „многу позитивен“ разговор кој во блиска иднина ќе доведе до слободен трансфер на Гундоан назад кај „граѓаните“. Пеп Гвардиола веќе дал согласност за овој трансфер, па последниот збор го има играчот.
