Неколку трансфери во англиската Премиер лига се случија во текот на денешниот ден. Нотингем Форест го реализираше трансферот на бекот Алекс Морено кој доаѓа од Астон Вила.
31-годишниот Шпанец доаѓа на едногодишна позајмица со тоа што „Шумарите“ имаат предност во купување на овој фудбалер.
И Вест Хем си има свој Канте, но не оној Нголо. Се работи за 18-годишниот Мохамаду Канте од ФК Париз во Лига 2. Трансферот изнесува нешто помалку од 1 милион евра. Играчот потпиша петгодишен договор.
Но Канте ќе биде испратен на едногодишна позајмица во Париз, а потоа ќе се врати во Вест Хем.
А Фулм го реализираше трансферот на Сандер Берж од Барнли. Норвежанецот потпиша петгодшен договор со опција да биде продолжен на уште една.Неофицијално трансферот изнесува 23,5 милиони евра.
